«en temer de desconplazer la cosa amada, e en buscar el prouecho de·la cosa que ama. Socrates dize: aquel que ama teme ya sea que todos aquellos que aman no temen. Damasçeno dize: aquel que perfectamente amara, todos tienpos estara en temor de·la cosa que ama. De·la falsedat se lee en·el Viejo Testamento, como vna vegada tres angeles fueron por Dios enbiados en vna çibdat que avia nonbre Sodoma,»