«Gilbertus toma el çumo de·la llanten e de·la yerva que es dicha mjlifoliun e el çumo del mestranço nueve granos de pimjenta e ocho de almastica molidos e sean messclados por ygual peso e medida e echa los dichos poluos e mescla·lo todo e beba esto el paçiente nueve dias continuos e sanara. § Item dize Gilbertus que si los figos echaren sangre toma la yerba que es dicha yerua de çinco fojas e cueze·la con leche»