«que gualardon abriays de·la passada vida? O quan fea quedaria vuestra memoria. Pues si Fortuna os es agora contraria despues que saber sofrir os conozca podra muy presto boluer la rueda como aquella que solamente a·los fuertes prueua y con los flaquos se ensanya. Assi que vos sperat con esfuerço sus bienes prosperos que ahun alegre gozo vos puede tener alçado: que ya contenta de enoiar·os canse. Causen pues en vuestras oreias mis»