«estiercol de·la liebre con mjel mesclada e comjda en ayunas muchas vezes maraujllosamente suelda la quebradura. § Item dize Costantinus que la cabeça del cabron cocha e comjdo e beujdo el caldo si por esto vsares sepas que suelda la quebradura. § Item dize Costantinus si seguramente quisieres sanar la quebradura es nesçesaria cosa que este el paçiente toda ora en el lecho echado las piernas altas e la cabeça baxa en manera que las tripas non cuelguen a·la»