«mayor con çummo de·la yerba que es dicha ypericon qualquier malefiçio que sea fecho a qualquier persona sera tirado espeçialmente aquellos que son ligados con sus mugeres si fuere enplastrada sobre las rrenes esto es cosa prouada. § Item dize Quirinus que quien traxiere el coraçon e la lengua del buytre sera seguro de todo malefiçio del demonjo e abra guarda et sera amado de onbres e mugeres e sera abundante en rriquezas e sotil e entendido en todas cosas»