«e quieren dezir algunos que conçibieron tanta yra por no les dar mejoria e dar aquel presente a·la virgen Atalanta que mataron la dicha virgen e que Meleagro en vengança de Atalanta mato los dichos sus tios. Esto fue recordado por estoriales escripturas. En loores de Meleagro. E segunt opinion de Boeçio en loor de Hercules. Es bien verdat que avn que Meleagro lo fiziese ynflamado de·los fechos que Hercules en quitar del mundo las»