«me parece que aquel que tan·bien en·el prinçipio dize no debrja jnnorar el fin. Dixo la donzella. L·aue que pocas plumas tiene no puede mucho sobir. Soy contenta dezir te mj pareçer. Si te recuerda ya te dixe en·el prinçipio e comjenço de mj dezir qual auja de ser el honbre para ser reçebido por enamorado y quando son tales son discretos y tuujendo seso mjran con gran prudençia todo lo que azen»