«leyes nin temer la lepra de·la casa o curar de·la mundificaçion d·ella. Basta·le a cada vno curar de guardar su anima de espiritual lepra. E sy le acaesçiere, a·la purgaçion de·la confession recorra segunt santa yglesia ha ordenado e asy conplira la voluntad diuina segunt quiso esta ley fuese complida. Ca de otra guisa seria judayzar e temer mas el corporal daño que la spiritual culpa e de Dios manifiesta ofensa»