«rey era denigrado e escureçido syquiera amenguado e la su vida anublada e en cuidados detenida. Fue a aquellas partes e saetando las dichas arpias con·el su poderoso archo. Lanço·las de·la casa o palaçio e del reyno de Fineo. Las quales non seguras en algunt lugar por la herculina temor se reçebtaron o ençerraron en e a·las islas dichas Trofeas. E los dioses acatando aqueste acto mouidos a piedat restituyeron o fizieron recobrar»