«el fecho de·las armas. A·la fin e por acuçiosa cura e grant yngenio de·las armas Hercules començo lleuar mejoria al rey Anteo. En esta hora Anteo se echo en tierra es a·saber se començo a retraer a·las fortalezas e alli cobro fuerça por los grandes basteçimientos e habundançias que ay tenian de viandas. E por eso dizen que tomaua fuerça de·la tierra es a·saber de·las viandas que la tierra avia»