«en otro lugar de las dos vias donde los judios hizieron por fuerça siquier constrinyeron a Symon Cireneo veniendo de·la villa para que leuasse la cruz de Cristo. § Passamos despues en otro lugar donde la virgen bienauenturada se fallo quando salio a su fijo que la cruz traya: y por el dolor muy grande que houo se vido pasmada fuera de sentido. En este lugar fue ya fundada vna yglesia por santa Helena la qual es agora del»