«Ricardius toma las almendras e cueze·las con mjel tanto fasta que tornen negras e faz a manera de nuegados e da·los a comer al paçiente en ayunas: es cosa prouada e maraujllosa. § Item dize Ricardus que la sangre del cabron cocha e comjda sana la disenteria que quiere dezir corrençia mucho aguda. § Item dize Galtearius toma la rrudja menor que es dicha menor por que non faze simjente molida e beujda con vino rrestriñe todo fluxo»