«por confirmaçion de mis dichos el qual volando entre las mas stimadas vos dio mj libertat complida senyorja: y fuerça el deseo mjo amar nj avorreçer sino lo que por el vuestro sea deseado: y con ste tan firme seguredat que mj lealdat vos consiente: quede mj sperança casy del todo de vuestra remuneraçion aconsolada. E sy por mengua de piadat el contrario se bjere: vereys puesto mj coraçon en aquel lugar de pena y pasion»