«buena voluntad e delectaçion son quasi vna cosa, segun que aprueua santo Tomas de Aquino en la su Suma fablando generalmente. El primero mouimiento de amor esta e es en la conosçençia o via de conosçer. Desçiende de·los cinco sesos prinçipales del cuerpo; asy como es del veer de·los ojos, e del oyr de·las orejas, e del oler de·las narizes, e del gustar de·la boca, e del palpar de·las»