«la terçera via e mas segura e çierta se cognosçe calitatiua mente assy en·la catadura del enfermo que la tiene turbada. E ama tener los ojos baxos e estar echado e non sentir·se fuerça e estar pensoso e sospirar de vagar e tener cuydado syn saber de que e sentir quexo en el coraçon e escuresçimiento e doler·se en el cuerpo como en non querer comer. Nin tener señales de espeçial dolençia señalada e acostunbrada .»