«por que escuresçe. E esto tal es lepra manifiesta. E por esso en el capitulo trezeno del dicho Levitico dize: § Si alba vel rufa macula fuerit infecta lepra reputabintur. E para examinar sy aquello viene de causa intrinsica. O extrinsica mando alli ençerrasen aquella tal ropa do esto acaesçiese por siete dias. Por esso dixo ostendetur quod sacerdoti que considerata recludet septem diebus por apartar·la del vso de·los omnes cuya era. E asy apartada sy syn el partiçipamiento d·ellos creçia mostraua que de causa yntrinsica auia»