«tenga·lo por vn dia e vna noche e despues tira·lo e cuelga·lo al sol e tanto quanto desecare este baço tanto desecara el del paçiente. § Item dize Diascorus corteças del sabuco mucho cochas en vjno fasta la terçia parte e beujdo el bino es muy noble cosa. § Item dize Mazer toma las rrayzes de·la lanpaça e maja·las con fuerte vinagre e pon·las sobre el baço muchas veçes tira dolor. Item dize Gilbertus»