«esto auia fablado Aristotiles en el Libro de·los animales en diuersos lugares quando tracta que dolençias acaesçen a·las bestias. E que sea en·la natura vegetal. Asaz se demuestra en·la Philahaptia que quiere dezir agricultura caldea en·la qual Abenohaxia dixo en la lauor de oliuera como acaesçen algunas dolençias e nonbro entre ellas la yteriçia quando se tornan las fojas amarillas por sequedat. E añade que si non es curada segunt que el alli muestra que vienen»