«esto mesmo fazen del laurel. § Capitulo .lijj. para las fenbras que an mjedo de abortar. § Dize Gilbertus toma los cangrejos que se fazen en·el rio e muele·los con vino e beba·los la muger pregñada e non abortara. Item dize mas Giluertus toma la liebre preñjada e fienda·la por medio e saca el cuajo que fallaras en·el vientre do estan los lebraticos e beba·lo la muger preñada e non abortara. Item dize»