«item dize mas maxister Tardinaris que el çummo de·la yedra beujdo antes de·la azesion sana la quartana esto es cosa prouada. Item dize mas que vino en·que sea cocha saluja e rrosas marinas beujdo ante de·la azesion es muy prouechosa cosa. § Item dize Diascorus que la yerba que es dicha centaurea maxada cocha en vino et beujda es muy prouechoso. Item dize mas que la rrayz del cogonbro amargo picada e beujda con vino»