«triunfando tornaste en la Grand Grecia non oluidando la peligrosa enpresa que con iusto titulo esfuerço peligro saber et manos lançaste e despoiaste del reyno al gallico rey que duque agora se llama. Te ruego pues tu enpresa con glorioso triunfo acabaste e otros sennores et communes tributos te fasen quieras uenir et non oluidar aquella que nunca te oluida. E non quieras menospreciar la grand constancia et lealtad de tus originales reynos et fieles uasallos que continuamente ruegan et»