«enbidioso non puede amar a ninguno, asi que en las personas non puede aver mayor viçio que la enbidia. Omero dize: mas se deue ome guardar de·la enbidia de sus parientes, que de ninguno otro. Tolomeo dize: el onbre enbidioso es contento de·la su perdida por fazer daño a otri. De·la enbidia se lee en·el Viejo Testamento, como veyendo Cayn que todas las cosas de aqueste mundo multiplicauan e andauan»