«açesion e faze purgar la flema gruesa e podrida e çesara la fiebre. § Item dize Petrus Lucator toma tres destellos de leche de muger que crie fijo e echa·los en poquita agua e beba·la el paçiente antes del el açesion et sanara mas non lo sepa el paçiente. Item dize mas que los asensios amargos comjdos e bebidos en ayunas es muy prouechosa cosa. § Item dize Diascorus que agarico beujdo con caldo grueso tres mañanas antes de·»