«estonçes Anteo non pudo tañer la tierra. Es a·saber ençerrar·se como ya es dicho. Por la tal manera fue sobrado e vençido por Hercules e finalmente muerto por cuya muerte la tierra de Libia fue librada de tortiçera e tiranica señoria syquier subjeçion. E demas fue reparada por Hercules antes de su partida en·los estudios o en·las costunbres e tenida en sus libertades justa e paçifica mente. Esto fue scripto a recordaçion duradera»