«causa yntrinsica auia prinçipio. E sy non creçia o se amenguaua paresçia que de·los omnes e de otras cosas infectas reçebia aquel daño. Por esso dixo adelante. Russus aspiçiens si deprehenderit crevise lepra perseuerans erit. E tal como esta ya auia fuerça de traspassar su ynfecçion en otra cosa. Por esto mando que fuese quemada la ropa e lo que çerca d·ella estouiese o en que estouiese asy como archa o almario. Por esso dixo polutum judicabit vestimentum et omne in quo fuerit inventa. E sy viniese»