«mas a·la prueua de·lo passado que siempre vencistes mejor que pensastes: siempre ganastes mas que creystes: siempre allende vuestras fuerças llegastes: siempre podistes mas que nunca esperastes: no fallo enpresa que deuays ya dexar de acometer. Ya ninguna cosa entiendo que os es grande: ninguna demanda difficile. Porque al grande coraçon animoso: todo le pareçe poco: todo se le faze ligero: tanto que razon lo acompañe: tanto que»