«item dize Diascorus toma el bol armenjco armenjco el mas fino que fallares e ençienso macho e faga la muger safumerios rresçebidos por partes yuso a·la noche quando deujere dormjr con el baron e sera dispuesta para conçebir. Item dize Trotula el gran filosofo toma los cojones del carnero e pon·los a secar e muele·los e despues que la muger oviere avido de su tienpo beba d·estos poluos e conçibira. § Item dize Costantius despues que la»