«tu la pudiesses comprehender e entender por razon natural: en cosa alguna non seria meritoria segund aquel dicho de sant Gregorio. La fe non ha merescimiento: a·la qual la razon humana da experimento e prouança. E acuerda te de·lo que dize sant Paulo en el .xi. capitulo que escriuio a·los judios. Sin fe non es possible plazer a Dios. E tan bien dize sant Johan en·el .iij. capitulo. Aquel que»