«se dieron al vso viçioso como quedaron en·la costançia e sobriedat. E por esto dizen que el vno d·ellos fue comido e el otro librado. E cada vno d·estos entendimientos es muy fructuoso e prouechoso e vtil a·la moralidat. § La verdad de aquesta ystoria es que Çeres fue fija del rey Saturno segundo rey de Ytalia despues de Jano. Esta Çeres segunt afirman muchos ystoriales fue la primera persona que en·la Greçia»