«y mucho mas y mejor vos lo podra seruir vn reyno que vna biuda romana. Detenido estouo el rey quando estas razones assi le alcançauan: mas el rigor de·la caualleria y el desseo de se vengar le acudieron mas con priessa y le fizieron desconosçer lo que tan conoçido el tenia: y dixo·les con enojo: no era tiempo no agora de afrontar vuestro rey d·esta manera: y assi quedo todo el fecho»