«acatando las materia e affecçiones mias. Non aviendo respecto a·la rudedat de·la ordenaçion e escuridat de sentençias. E la comuniquedes en lugar que faga fructo e de que tomen enxenplo a cresçimiento de virtudes e purgamiento de viçios. E assy sera espejo actual a·los gloriosos caualleros en armada caualleria mouiendo el coraçon de aquellos en non dudar los asperos fechos de·las armas e aprehender grandes e onrrados partidos enderesçando·se a sostener el bien»