«e la dureça e la inchadura. § Item dize Gilbertus en·el libro Pasionario toma las rrayzes de·la yerba que es dicha lengua çerbuna e seca·las e muele·las e faz·las poluos e beba·las el paçiente con vino por tres dias continuos en·la luna menguante sanaras del baço si por esto vsares. § Item dize Gilbertus e Diascorus toma la grama e cueçe·la con vino e desque sea cocha pica·la mucho en vn almjrez»