«mira si son muchos ombres en·el baño: ca si muchos no estan ende: querria me yr a lauar. E Ysopo yendo para alla encontro al alcalde de·la cibdad: el qual conosciendo que fuesse esclauo de Xanthus dixo le: donde vas cabeça de saber? Respondio Ysopo: non se por cierto. El alcalde pensando que lo escarnescia mando que lo leuassen a la carcel: e Ysopo yendo preso dixo: señor alcalde»