«poluos de calofonja de balaustrias e acaçia rresçebido el fumo segund dicho es. § Item dize Diascorus que la simjente del culantro comjda o beujda con huevo estriñe. § Item dize Ypocras que si fueren cochas fojas de salz cochas con agua con vn çelemjn de estiercol de palomas e lauares los pies faze çesar el fluxo maravillosamente: esta es cosa prouada. § Item toma momja e glasa ençienso almastiga sangre de drago faz·lo poluos todo por ygual parte»