«esta rresina sobre la dicha teja e rresçiba el fumo el paçiente por partes de baxo es maravillosa cosa. § Item dize Gilbertus toma los menbrjllos e monda·los de dentro e de fuera e cueze·los con mucho açucar en agua e desque sean cochos echa sobre ellos muchos poluos de fina canela e coma esto el paçiente sin falla njguna sanara. § Item dize Diascorus toma estas cosas que se siguen e faz pildoras e da siete al paçiente»