«o este posado el paçiente sobre el dicho enplastro caliente e desque fuere frio tira aquel e pon otro. Faz esto muchas vezes es muy prouechosa cosa. § Item dize Diascorus toma las fojas del texo e cueze·las en agua en manera que el paçiente pueda rresçebir el bafo por diyuso e despues faz enplastro de·las dichas fojas e pon·lo caliente cosa prouada. § Item dize Diascorus toma trementina echa·la sobre las brasas en manera que»