«a tiempo. § Dende venimos en aquel lugar de·las dos vias donde llorauan muchas mujeres a Christo Jesu quando le trayan a crucificar con la cruz a·cuestas a·las quales dixo el redemptor. Fijas de Syon no querays llorar agora por mi empero llorad sobre vosotras y vuestros fijos: hay .vij. años y .vij. quarentenas de indulgencia. § Llegamos despues en otro lugar de las dos vias donde los judios hizieron por fuerça siquier constrinyeron a Symon Cireneo veniendo»