«el lugar que primero por ignorançia escuro era. Essa hora lança fumo e fuego. El fumo es la jnclinaçion que prueua escurecer la verdat cognosçida. E el fuego es la presta disposiçion o aparejo que quiere ynflamar el ayre serenado. Estos enbargos non duda el proposito firme saltando entra en·la cueua. Mortificando o derraygando so la maça de abstinençia e modestia este maligno ladron. E cobra el fructo mostrando que las obras que son»