«rraposso quebranta la piedra e es cosa prouada que si vna gujja fuere puesta en·la dicha sangre e yaçiere por tres dias al terçero dia sera fallada quebrada e fecha partes. § Item dize Costantinus que si nueve granos de yedra fueren beujdos con vino caliente por nueve dias cadaldia nueve por çierto sepas que quebrantara la piedra de·las rrenes o de·la bexiga otrosy faze orinar maraujllosamente esto es cosa prouada por todos los naturales. § Item dize»