«segun oy dezir a vn sabidor morisco que dezian Xarafi el Viejo de Guadalfajara. E avn algunas reliquias d·esto an quedado en vso de·las gentes oy. Pero tales cosas en nuestra ley son defendidas como suprestiçiosas e contrarias al bien beuir. E por esso en esto non me detengo nin curo todas sus diuersidades expressar que fazian por retimientos de plomos e de çera e esparzimiento de farina e de simientes acerca d·esto. E passo»