«fuere puesta en·la muela cabada tira el dolor: Prinjnus. § Item dizen los naturales que el follejo de·la culebra cocho en vinagre laua la boca tira el dolor de·los dientes. § Item vna taça llena de vna yerba que es dicha mjlifoliun que quiere dezir yerba de mjl fojas toma del çummo d·ella vna taça segud dicho es e beue·lo tira el dolor de·los dientes e de·las muelas: esperençia cosa prouada. §»