«la terçera si es guardar·se el ome e la fenbra que non acostunbren en vno, ca guardar·se onbre de pecar es mejor cosa que non morir e despues ressuçitar. La quarta es guardar·se de rufianes e alcauotes e de aquellos que confinan con luxuria. San Gregorio dize: non es ningun viçio que asy villmente coronpe el coraçon como faze la luxuria, por eso como es viçio natural conuiene que se faga mayor guarda»