«sembrar vna simjente que es dicha adoreum que quiere dezir çenteno o seguel e forment. El derecho sementero es del .xx. dias de aqueste mes fasta el .viijº. dia de deziembre en·los lugares temprados. Agora es el tiempo de leuar los estiercoles a·los campos e de derramar aquellos. Asy mesmo podras sembrar çeuada canterina. e qujere tierra magra e seca. empero en grasa conuenjentemente se faze bien. Es verdat »