«sepas que morgon es dicho aquel sarmjento que saliendo de·la çepa vieja a·manera de arco faze hombre soterrar deyuso de·la tierra e queda defuera la cabeça del sarmjento. E dize el philosofo Columella que aquellos tales sarmjentos e morgons meten muchas rayzes. e dan grant aflicçion a·la çepa e la debilitan del todo. Porque es nesçesario que los morgones sean tajados de·la çepa despues de dos »