«mirays al fauor que nuestro Señor vos dio al socorro de su fe: al esfuerço de vuestras diestras: mas a·la prueua de·lo passado que siempre vencistes mejor que pensastes: siempre ganastes mas que creystes: siempre allende vuestras fuerças llegastes: siempre podistes mas que nunca esperastes: no fallo enpresa que deuays ya dexar de acometer. Ya ninguna cosa entiendo que os es grande: ninguna demanda difficile. Porque al grande coraçon animoso»