«este fecho el muy cuerdo e entendido Hercules cognosçio que por algunt engaño o por manera non costunbrada eran de alli lleuados en guisa que rastro non fiziesen. Ca bien veya que por si mesmos non deuian nin podian de alli ser ydos pues non paresçian pisadas de salida. E luego tomo sospecha del ladron Caco. Como entendiendo que por la diuinidat de su padre avria dado obra en·la sotileza de aquel furto e los avria ençerrados»