«E quando la han bien apretada e lançada tierra bañyada o lodo mezclado con paja. cubren·lo de tierra. e fazen grant ayuda a·los enxiertos. Muchos dizen e es verdat que mucho mas vale enxerir las çepas çerca de tierra que non alto. Ca sepas que con grant dificultat se toman e biuen aquellos que son alto. E deues saber que en·los lugares frios puedes morgonar las çepas fasta »