«avemos dicho que·los ganados que non son estados castrados njn tresqujlados de sus lanas en·el mes de mayo se pueden agora castrar e tresqujlar en aqueste mes de junjo. espeçialmente en·las regiones frias. Asy mesmo se pueden fazer los quesos. segunt la manera de suso dicha.§ En aqueste mes de juñjo deues crestar o reconosçer las colmenas de·las abejas. ca ya deuen aver fecha mjel abundantemente por »