«bienqueriente? Respondio le Ysopo: yo las di: e ante mj las comjo todas. Pregunto Xanthus: que dixo mientra que comja? Respondio Ysopo: por cierto njnguna cosa dixo: mas parescia que te deseaua e amaua. Mas viendo esto la muger de Xanthus llorando e gemiendo entro en·la camara. E despues que los escolares uvieron comjdo e bebido habundosamente de vna parte e de otra cada vno por su parte propusieron questiones»