«de arbores que puedes enxerir en perales. E deues saber que el mançano desea mucho que non sea arado njn cauado. por que los prados que non se labran njn se cauan le son mucho plazientes e conuenjentes. E avn deues saber que·los mançanos non desean estiercol. empero sy son estercolados mucho mas se alegran. E semblant ment fazen sy les metes çenjza mezclada con poluo de tierra. E aman »